“أحمديات “

بقلم المهندس/ أحمد ذكى

مازالت الكلمة حائرة بين مفهوم لم يقصد ومقصود لم يفهم فإجعل كلمتك بسيطة حتى يفهم مقصدها…

“طلع بلاك داى”

“مش.. جمعة بيضاء ”

فرصة لازم تنزل تشترى إحتياجاتك
هى الفرصة دى بتيجى كل قد إيه…افضل وقت فيه تخفيضات …واللى نفسك فيه تجيبه…إحنا مابنرضاش نجيب اللى نفسنا فيه الا لما يجى اليوم …ده …
إللى من اسمه …بيدل على الخير…
…اخذت الفلوس كلها..ونزلت… المول ..والفرحة والسعادة تغمرنى والمحلات…بالخط العريض كاتبة على واجهتها اعلى نسبة خصومات على كل المعروضات.
اللى كاتب ٥٠%..؛واللى كاتب ٧٠%…حاجه تفرح قلت اخذ جولة الاول عشان اشوف إللى يناسبنى …والسعادة ياجماعة تملأ قلبى فى
كل خطوة بخطوها…لغاية لما لقيت …محل فيه قميص تحفه نفسي فيه من زمان بس الظروف لم تسمح لغلو ثمنه…و مكتوب عليه…خصم ٥٠%…فرحت فرحة كبيرة انا سعيد قوى ياجماعه…القميص ب ٣٥،٠٠٠ الف جنيه(خمسه وثلاثون الف جنيه بس) …ايوه بجد…
الحمد لله التخفيضات حقيقية …
دخلت شوفت مقاسى …وبسرعه اخذته ..وقولت اجيب بنطلون مناسب …والحمد لله لقيت اللون والشكل اللى عاوزة …عارفين مكتوب عليه خصم خاص …خذ واحد… والثانى هديه…
فعلا اخذت واحد …
واعطانى الثانى هديه بجدعارفين بكام ٤٠،٠٠٠ الف جنيه فقط
(اربعون الف جنيه فقط لاغير)
تخيلوا …يوم اسود جميل …انا مبسوط قوى…كده فاضل الجزمة والحزام …وشراب…ويبقى جبت الطقم…دخلت محل شرابات
قالى برضه …هديلك واحد…
والثانى هديه…والسعر مفاجاة …
١٥،٠٠٠الف جنيه(خمسه عشر الف جنيه)الاسعار فعلا فرقت كتير…
ده قبل اليوم الاسود كانت الاسعار عالية جداز…فرق …فرق ..فعلا…
اجيب الجزمه …والحزام…من محل
كان نفسى اجيب منه …وفعلا روحت لقيته حاطط…يافطه كبيرة
قوى على الاحذيه…تخيلوا …
الفردة الواحدة…ب ٦٠،٠٠٠ الف جنيه
تخيلوا …والفرده الثانية هديه ودى
كانت…المفأجأة…ياجماعه بجد …
إشتريت فردة والثانية هديه…لازم تنزلوا ياجماعه .قبل اليوم الاسود مايخلص…الحزام ..لسه الحزام …
كان لازم من نفس المحل…وبرضه عليه عرض …تاخد واحد…والتوكه هديه..٢٣،٠٠٠الف ( ثلاثة وعشرين الف جنيه فقط) …فقط ياجماعة …
جبت كل حاجة كان نفسي فيها…
طقم كامل …ويابلاش …ولسه باقى معايا فلوس …لو كنت نزلت قبل كده …شوفت بقى فايدة اليوم الاسود …قلت اجيب حاجه حلوة وانا راجع…تخفيضات …تخفيضات
والزحام شديد…قطعه جاتوة …
١٠،٠٠٠ جنيه ..والدسته .١٢٠،٠٠٠الف جنيه…ايه ده لازم اجيب دسته …
يعنى …التكلفة وصلت لحوالى ٣٥٠،٠٠٠ الف جنيه (ثلاثمائة وخمسون الف جنية…فقط )
بس …ياجماعة. ..تخيلوا…انا سعيد فى يوم اسود…بستناه كل سنة…

انا دلوقتى فى الرعاية المركزة بالمستشفى العام …
جا…لى (جلطه السعادة….)
…افوق وارجع لكم…
تحياتى ومن عندياتى…

*قرمشة: .. شعبيات …
*جات الحزينه تفرح مالقيتش لها مطرح…
*إيش تاخد الريح من البلاط….
القرش الابيض ينفع فى اليوم الاسود…
*القرعة تتعايق بشعر بنت اختها…
*إيش جاب الغراب لأمه…
“الى اللقاء”