“قرمشة “

بقلم المهندس/ أحمد ذكى

زمان كان اللي ما يعرفش بيقول (الله أعلم).
دلوقتي بيعمل (بوست) بـ 100 سطر.

احنا في زمن لو قولت فيه (مساء الخير)… هتلاقي اللي يثبتلك إنك عنصري ضد الصبح.
تطلع إنسان (ممل) في نظرهم… أحسن ما تطلع من خناقتهم بـ (ضغط وسكر) وجلطة مجانية.
النقاش مع واحد (سفسطائي) زي اللي بيصارع بقرة في الطين… أنت بتتوسخ وهو بيبقى مبسوط.

بقينا عايشين في مجتمع بيموت فيه الغلبان من الجوع… والناس ماسكة في رقاب بعضها عشان (إيموجي) ضحك.

قبل… ان نختلف …نتفق… ان نحترم الاختلاف
عدا ذلك فالفصل بيننا قول الفيلسوف اليونانى فيثاغورث …(لاتجادل الأحمق قد يتعذر على الآخرين أن يفرقا بينكما )
“إلى اللقاء”